Onlayn ictimai-siyasi qəzet
Kremlə pul axınını kəsdi...
Budapeştdə Putinlə keçiriləcək sammiti ləğv etdikdən sonra ABŞ prezidenti Donald Tramp ilk dəfə Rusiyaya qarşı real iqtisadi sanksiyalar tətbiq edib. Sanksiyalar “Lukoil” və “Rosneft” kimi nəhəng enerji şirkətlərinə yönəlib. Ertəsi gün Çin Rusiya neftinin dəniz yolu ilə alışını dayandırdığını elan edib.
Musavat.com xəbər verir ki, Qərb mətbuatı bu addımı təkcə iqtisadi zərbə deyil, həm də Vaşinqtonun Kremlin ünvanına siyasi tonunu dəyişməsi kimi qiymətləndirir.
“Sky News”: “Trampın sanksiyaları sadəcə buruna dəyən bir toxunuş deyil, Moskvanın hərbi iqtisadiyyatına vurulan zərbədir”.
Kanalın fikrincə, “Lukoil” və “Rosneft”ə zərbə Kremlə müharibə üçün pul axınını təmin edən “arteriyaları kəsmək cəhdidir”. Lakin hər belə qərar Tramp üçün də risk daşıyır - qlobal neft qiymətləri artarsa, bu, ABŞ-ın daxili bazarına zərbə olacaq.
“Tramp qlobal müharibə ilə Texasdakı yanacaqdoldurma məntəqələri arasında balans saxlayır”, - deyə “Sky News” bildirir.
Məhz buna görə də prezident geri addım üçün “boşluq saxlayaraq” bəyan edib ki, Moskva “müdriklik göstərsə”, sanksiyalar tezliklə ləğv oluna bilər.
“The Wall Street Journal” (WSJ): nəşrin məlumatına görə, Trampa 3 ssenari - yumşaq, orta və “sərt” variantlar - təqdim olunub, o isə enerji sektoruna yönələn “orta” variantı seçib.
“Bu addım emosional deyil, stratejidir”, - WSJ yazır.
Ağ Ev düşünür ki, sənaye sektoruna birbaşa zərbə iqtisadi şoka səbəb ola bilər, yumşaq paket isə zəiflik kimi qəbul edilərdi. Buna görə “Lukoil” və “Rosneft”ə sanksiyalar qətiyyətlə hesablanma arasında kompromis sayılır. WSJ bunu Trampın Putinə qarşı ilk dəfə real addım atdığı an kimi “dönüş nöqtəsi” adlandırır.
CNN: kanala görə, sanksiyalar Trampın Budapeştdə Putinlə görüşü ləğv etməsindən bir gün sonra elan olunub. Ağ Ev üçün bu, təkcə Rusiyanın cəzalandırılması deyil, həm də dünyaya verilən mesajdır: “mehriban danışıqlar dövrü başa çatdı.” CNN yazır ki, Vaşinqton artıq London və Brüssel ilə paketin genişləndirilməsi barədə danışıqlar aparır, Avropa müttəfiqləri isə sinxron addımlar atmağa hazırlaşırlar.
“The Telegraph”: Britaniya nəşri bu qərarı Moskva üçün “həqiqət anı” və Putin üçün şəxsi sınaq adlandırır. Məqalədə qeyd olunur ki, sanksiyalar “gizlədilməmiş ultimatumdur”: ya Kreml müharibəni dayandırmağa razılaşır, ya da iqtisadi əsaslarını itirir.
“Uzun fasilədən sonra Tramp geriyə yol buraxmayan bir addım atdı - eyni anda həm güc nümayiş etdirdi, həm də Çini Vaşinqtonla Moskva arasında seçim etməyə məcbur etdi”. Çin şirkətləri “PetroChina” və “Sinopec” artıq Rusiya nefti alımını dayandırıblar.
“Politico”: nəşr yazır ki, “Tramp Brüsselin cəsarət etmədiyini etdi — rus neftini Avropada iflic vəziyyətə saldı”. Yeni sanksiya paketi faktiki olaraq “Lukoil”i Rumıniya, Bolqarıstan və Niderlanddakı aktivlərini satmağa məcbur edəcək, Avropa banklarını isə Rusiya enerji şirkətləri ilə bağlı bütün ödənişləri dondurmağa yönəldəcək.
“Politico”nun fikrincə, bu qərar hələ də Rusiya neftindən asılı olan Macarıstan və Slovakiya üçün seçim qarşısı qoyur: “ya neft, ya ittifaq”.
Musavat.com
XƏBƏR LENTİ
04 Sentyabr 2026
ŞƏRHLƏRŞƏRH YAZ