Onlayn ictimai-siyasi qəzet
Mərkəzi Bank məlumat yaydı
Fevralın 17-dən etibarən Azərbaycan Mərkəzi Bankı (AMB) göstərdiyi xidmətlərin keyfiyyətinin yüksəldilməsi və əlçatanlığın artırılması məqsədilə vətəndaşları 2 və 5 saylı "ASAN xidmət" mərkəzlərində qəbul edəcək.
Musavat.com xəbər verir ki, bu barədə AMB məlumat yayıb:
"Bu yanaşma vətəndaşlar üçün əlçatanlığın artırılmasına, qəbul prosesində vaxt itkisinin azaldılmasına xidmət edəcək. Əvəzində Bakı şəhəri, Səbail rayonu, Bülbül prospekti 27 ünvanında yerləşən inzibati binada vətəndaş qəbulu dayandırılacaq.
Paralel olaraq AMB-nin Yevlax şəhəri, Heydər Əliyev prospekti 82 ünvanında, Biləsuvar şəhəri, Heydər Əliyev küçəsi 2B ünvanında və Naxçıvan şəhəri, Cəlil Məmmədquluzadə küçəsi 32 ünvanında yerləşən ərazi idarələrində vətəndaş qəbulu davam etdiriləcək".
XƏBƏR LENTİ
07 Iyun 2026
ŞƏRHLƏRŞƏRH YAZ