Nəşrin məlumatına görə, əsas namizədlər ABŞ-dakı Erməni Apostol Kilsəsinin Qərb Yeparxiyasının Primatı, arxiyepiskop Hovnan Terteryan və Kilikiya Böyük Evinin katolikosu I Aramdır.
Hakimiyyət onların ən azı vəziyyət tam aydınlaşana qədər sadiq qalacaqlarını güman edir.
“Hökumət II Qareginin səlahiyyət müddəti başa çatdıqdan sonra yeni “azad sahə” təmin edə və Erməni Apostol Kilsəsindəki nüfuzunu yenidən bölüşdürə bilər”, - nəşr yazır.
Qəzetin mənbələri bildirir ki, təhlükəsizlik qüvvələri yepiskopların iclasından sonra yayılan katolikosu nüfuzdan salan bəyanatı imzalayan və ya imzalamayanlar da daxil olmaqla, yeparxiya rəhbərlərinə artıq fərdi “ziyarətlər”ə başlayıblar. Bu görüşlərdə “katolikos erası bitdi” mesajı verilir və sonrakı addımlar II Qareginin mümkün ev dustaqlığı və ya təcridindən tutmuş, Eçmiədzin Müqəddəs Taxt-Tacının kanseriyasının rəhbəri, arxiyepiskop Arşak Xaçatryanın həbsinə qədər, sonra isə II Qareginin istefa məktubuna qədər geniş yayıla bilər.
Noyabrın 27-də Ermənistan baş nazirinin aparat rəhbəri Araik Arutyunyan yepiskopların bəyanatının fotosunu yayıb. Bəyanatda bildirilir ki, İstintaq Komitəsinin ekspertizası Xaçatryana aid edilən videonun orijinallığını təsdiqləyib. Sənəddə qeyd olunur ki, nəticələr katolikos II Qareginə təqdim edilib və o, özünün yaratdığı komissiyanın qiymətləndirməsini “qüvvədən düşmüş” sayıb. Bəyanatda yepiskoplar "Müqəddəs Eçmiədzin"i "qeyrətsiz din xadimi"ndən və onun məsuliyyətini bölüşənlərdən "təmizləməyə" çağırıb və katolikosun mövqeyini tənqid ediblər. Bəyanatı 13 yepiskopdan 9-u imzalayıb.
Həmin gün Paşinyan ruhanilərlə görüş keçirməyə hazır olduğunu açıqlayıb.
Musavat.com
ŞƏRHLƏRŞƏRH YAZ