Onlayn ictimai-siyasi qəzet
Rusiya yenidən alovlar içində: Neft terminalı YANIR - VİDEO
Novorossiyskdə Ukraynaya məxsus pilotsuz uçuş aparatları (PUA) "Şesxaris" neft terminalına hücum edib.
Musavat.com xəbər verir ki, bu barədə "Astra" nəşri məlumat yayıb.
"Şesxaris" Rusiyanın cənubundakı ən böyük neft terminallarından biridir və "Çernomortransneft" ASC-nin ("Transneft" PJSC) strukturuna daxildir.
Novorossiysk meri Andrey Kravçenkonun verdiyi məlumata görə, PUA qalıqları şəhərin Yujnı rayonunda yerləşən çoxmənzilli yaşayış binasının üzərinə düşüb. Bundan əvvəl isə operativ qərargah dron hissələrinin şəhərdəki iki müəssisənin ərazisinə düşdüyünü bildirib.
Xatırladaq ki, martın 2-nə keçən gecə də "Şesxaris" terminalında kamikadze-dronların hücumu nəticəsində güclü yanğın baş verib və Ukrayna Müdafiə Nazirliyi həmin hücumu təsdiqləyib.
Aprelin 5-i axşam saatlarından etibarən isə Krasnodar diyarı kütləvi PUA hücumuna məruz qalıb. Rusiya mətbuatının yazdığına görə, Novorossiysk, Anapa, Soçi, Gelencik və Slavyansk rayonları zərbə altındadır.
Yerli sakinlər qeyd olunan ərazilərdə 15-dən 20-yə qədər partlayış səsi eşitdiklərini bildiriblər. Xüsusilə Qara dəniz istiqamətindən gələn səslər daha intensiv olub.
Şahidlər dəniz akvatoriyası üzərində hava hücumundan müdafiə sistemlərinin dronları vurması nəticəsində yaranan parıltıları gördüklərini iddia edirlər.
Bütün axşam boyu kurort şəhərlərində xəbərdarlıq sirenləri çalınıb. Monitorinq kanalları Novorossiysk limanına da hücum edildiyi barədə məlumatlar yayır.
@@TVmusavat/143925@@
Musavat.com
XƏBƏR LENTİ
04 Iyun 2026
ŞƏRHLƏRŞƏRH YAZ