Onlayn ictimai-siyasi qəzet
Tramp bu tarixi yerlərə öz adının verilməsini istəyir
ABŞ prezidenti Donald Tramp Senatın azlıq lideri Çak Şumerə Nyu-Yorkdakı ən böyük Penn Vağzalı və Vaşinqtondakı Dallas hava limanının adını onun şərəfinə dəyişdirməyə razılıq verəcəyi təqdirdə Nyu-York şəhərində böyük bir infrastruktur layihəsi üçün vəsait ayırmağa hazır olduğunu deyib.
Musavat.com xəbər verir ki, məlumatı CNN nmənbələrə istinadən yayıb: "Ötən ay Prezident Donald Tramp Senatın Azlıq Lideri Çak Şumerə Nyu-York şəhərindəki böyük infrastruktur layihəsi üçün milyardlarla dollarlıq maliyyələşdirmənin dondurulmasına son qoymağa hazır olduğunu bildirib. Pul müqabilində Şumerin Trampın şərəfinə Nyu-Yorkun Penn Stansiyası və Vaşinqton Dallas Beynəlxalq Hava Limanının adını dəyişdirməyə razı olması gözlənilirdi".
CNN-in məlumatına görə, Şumer Trampın təklifini rədd edərək, bunu etmək səlahiyyətinin olmadığını bildirib.
Kanal xatırladır ki, Tramp administrasiyası Nyu-York və Nyu-Cersi ştatlarını birləşdirən Hudson çayı tuneli layihəsi üçün ayrılan 16 milyard dollardan çox vəsaiti dondurub.
Hər iki ştat hazırda prezident administrasiyasına qarşı məhkəmə iddiası qaldıraraq maliyyələşdirmənin dondurulmasının qanunsuz olduğunu bildirir.
Tunelin tikintisinə Tramp vəzifəyə qayıtmazdan əvvəl başlanılıb. Lakin ötən ilin sonlarında ABŞ prezidenti layihəni dayandırmaq qərarına gəlib və Nyu-Cersi və Nyu-Yorkdakı Demokrat Partiyasının nümayəndələri qərarın siyasi motivli olduğunu iddia ediblər.
Musavat.com
XƏBƏR LENTİ
05 Iyun 2026
ŞƏRHLƏRŞƏRH YAZ