Onlayn ictimai-siyasi qəzet
Türkiyə İsrail təyyarələrini... – ABŞ-dən gecənin ən təhlükəli etirafı
İsrailin Suriyadakı hərbi bazaya zərbələri Türkiyə ilə birbaşa hərbi qarşıdurma təhlükəsi yaradıb.
Musavat.com xəbər verir ki, avqustun 18-də İsrail Suriyanın şimal-qərbində, Türkiyə sərhədindən təxminən 70 kilometr məsafədə yerləşən Əbu əd-Duhur hərbi aviabazasına 8 hava zərbəsi endirib. Uçuş-enmə zolağı və anbar infrastrukturu hədəfə alınıb, itki qeydə alınmayıb. İsrail sonradan hücumun Türkiyə qüvvələrinin bu bazada yerləşdirilməsinin qarşısını almaq məqsədi daşıdığını açıqlayıb.
ABŞ-nin Türkiyədəki səfiri və Suriya üzrə xüsusi nümayəndəsi Tom Barrak bildirib ki, Ankara İsrailin hücumu barədə əvvəlcədən xəbərdar edilməyib. Türkiyə İsrail təyyarələrinin şimala, öz ərazisi istiqamətində hərəkət etdiyini müşahidə edib və buna görə hərbi cavaba hazırlaşa bilərdi.
“Türkiyə öz ərazisinə doğru irəliləyən təyyarələri gördü və buna görə də öz cavabını verməyə ağlabatan şəkildə hazırlaşa bilərdi. Xoşbəxtlikdən, soyuqqanlı şəxslər vəziyyətin daha da pisləşməsinin qarşısını ala bildilər”, – deyə Barrak bildirib.
ABŞ rəsmisinin sözlərinə görə, hadisə İsrail, Suriya və Türkiyə arasında daha güclü hərbi koordinasiya və məlumat mübadiləsi mexanizminin yaradılmasının vacibliyini göstərib. Vaşinqton belə bir mexanizmin qurulması üzərində işləyir.
Musavat.com
XƏBƏR LENTİ
20 Avqust 2026
ŞƏRHLƏRŞƏRH YAZ