Onlayn ictimai-siyasi qəzet
ABŞ ən böyük atom sualtıların inşasına başladı – böyük savaş...
Pentaqon "General Dynamics Electric Boat" şirkəti ilə 2,28 milyard dollarlıq saziş imzalayaraq yeni nəsil strateji raketdaşıyan sualtı qayıqların – "Columbia" sinfinin – ilkin tikinti və avadanlıq tədarükünü rəsmən işə salıb.
Musavat.com xəbər verir ki, bu barədə "Naked Science" saytı məlumat yayıb.
İşlər əsasən Konnektikut ştatının Qroton şəhərində yerləşən "Electric Boat" gəmiqayırma zavodunda aparılacaq, əlavə istehsalat gücü isə Rod-Aylend və Virciniyadan cəlb olunacaq.
Proqram ABŞ-ın 1980-ci illərdən bəri nüvə triadasının dəniz hissəsinin əsasını təşkil edən Ohio sinifli sualtılara alternativ olaraq planlaşdırılır. Uzunmüddətli layihə çərçivəsində 5 ədəd "Columbia" sualtısı inşa ediləcək.
Yeni sualtılar ABŞ Hərbi Dəniz Qüvvələrinin tarixində ən böyük olacaq:
- Su həcmi: 20 810 ton
- Uzunluq: 170 metr
- Silahlanma: 16 ədəd "Trident II" (D5) ballistik raketi
- Avionika: "Virginia" sinfli çoxməqsədli sualtılar üçün işlənmiş sonar texnologiyaları əsasında modernləşdirilmiş hidroakustik kompleks
Bu sinif qayıqların gələcək onilliklərdə ABŞ-ın qlobal nüvə balansındakı mövqeyinin əsas elementlərindən biri olacağı bildirilir.
Musavat.com
XƏBƏR LENTİ
22 Avqust 2026
ŞƏRHLƏRŞƏRH YAZ