Onlayn ictimai-siyasi qəzet
Avropanı müharibə ilə HƏDƏLƏDİ
Rusiyanın Aİ-dəki dondurulmuş aktivlərindən Ukraynaya “təzminat krediti” üçün istifadə müharibə elan etmək üçün qanuni əsas ola bilər.
Musavat.com xəbər verir ki, bunu Rusiya Təhlükəsizlik Şurasının sədr müavini Dmitri Medvedev bildirib.
O vurğulayıb ki, vəsaitlərin qaytarılması “məhkəmə yolu ilə deyil, faktiki reparasiyalar vasitəsilə” həyata keçirilə bilər.
Avropa Komissiyası əvvəllər Kiyevə Rusiya Mərkəzi Bankının “Euroclear” hesablarından 140 milyard avro daxil olmaqla, 210 milyard avroya qədər kredit verilməsini təklif edib.
Vəsaitlərin bir hissəsi Ukraynanın müdafiəsinə, qalan hissəsi isə kreditlərin ödənilməsinə və büdcə ehtiyaclarının ödənilməsinə yönəldiləcək. Bu qərarın qəbul edilməsi üçün Aİ ölkələrinin ixtisaslaşdırılmış səs çoxluğu tələb olunur.
Belçikanın baş naziri Bart de Vever isə bildirib ki, Rusiyanın Mərkəzi Bank aktivlərinin müsadirəsi beynəlxalq təcrübəyə ziddir və Moskva daxil olmaqla digər ölkələr tərəfindən cavab tədbirlərini stimullaşdıra bilər. ABŞ isə açıqlayıb ki, dondurulmuş aktivlər yalnız Ukraynada sülh sazişi əldə edildikdən sonra qaytarılacaq.
Musavat.com
XƏBƏR LENTİ
16 Iyun 2026
ŞƏRHLƏRŞƏRH YAZ