Onlayn ictimai-siyasi qəzet
Britaniya Rusiyadan uran idxalını qadağan etdi
Böyük Britaniya Rusiyadan uran idxalına qadağa qoyub.
Musavat.com xəbər verir ki, məlumat Britaniya Biznes və Ticarət Nazirliyi tərəfindən dərc edilmiş genişləndirilmiş ixrac məhdudiyyətlərində yer alıb.
Sənəddə qeyd olunur ki, "sanksiya qaydalarına edilən düzəlişlər uranın idxalını, eləcə də onun əldə edilməsini, təchizatını və çatdırılmasını birbaşa və ya dolayı yolla qadağan edib".
20 mayda qüvvəyə minən yeni tədbirlər həmçinin bu mallarla bağlı texniki yardım, maliyyə xidmətləri və qurğularının, eləcə də brokerlik xidmətlərinin göstərilməsini qadağan edir.
Sənədə əsasən Rusiya uranına bir neçə istisna tətbiq olunur. Xüsusilə, onun əldə edilməsi, təchizatı və çatdırılması, texniki yardım, maliyyə xidmətləri və qurğuları və brokerlik xidmətlərinə uranın üçüncü ölkədə nüvə obyektinin davamlı fəaliyyəti üçün lazım olduğu təqdirdə icazə verilir, bu şərtlə ki, belə obyekt 20 may 2026-cı il tarixindən əvvəl fəaliyyətdə olsun.
İstisnalar həmçinin 20 may 2026-cı il tarixindən əvvəl Rusiyadan ixrac edilən və üçüncü ölkədə saxlanılan urana da tətbiq olunur.
Musavat.com
XƏBƏR LENTİ
04 Iyun 2026
ŞƏRHLƏRŞƏRH YAZ