Onlayn ictimai-siyasi qəzet
Çin ilk “robot ordusunu” yaratdı – VİDEO
Musavat.com xəbər verir ki, Çin texnologiya sənayesi tarixində yeni mərhələyə qədəm qoyub. Ölkənin UBTECH Robotics şirkəti dünyanın ilk sənaye yönümlü “robot ordusu”nun kütləvi istehsalına başladığını açıqlayıb.
Şirkətin məlumatına görə, robotların ilk partiyası artıq tamamlanıb və yaxın günlərdə sifarişçilərə təhvil veriləcək. Bu robotlar iri istehsal müəssisələrində ağır əməliyyatları insan müdaxiləsi olmadan yerinə yetirəcək, sənaye proseslərini avtomatlaşdıracaq və məhsuldarlığı artıracaq.
Robotların əsas alıcıları:
BYD
Geely Auto
FAW-Volkswagen
Dongfeng Liuzhou Motor
Foxconn
Bu müəssisələr həm Çinin, həm də dünyanın ən böyük avtomobil və elektronika istehsalçılarıdır. UBTECH-in bildirdiyinə görə, ilk robot partiyası artıq bu nəhəng zavodlara göndərilir.
Ekspertlərə görə, Çinin bu addımı qlobal sənayedə rəqəmsallaşma və avtomatlaşdırma yarışını daha da sürətləndirəcək. Yeni robotlar yüksək dəqiqlik, aşağı enerji sərfi və fasiləsiz çalışma xüsusiyyətləri ilə xüsusilə avtomobil istehsalı və elektronika sektorunda böyük üstünlüklər yaradacaq.
Musavat.com
XƏBƏR LENTİ
28 Avqust 2026
ŞƏRHLƏRŞƏRH YAZ