Onlayn ictimai-siyasi qəzet
Dənizin altında tapıldı: Üzərində GÖRÜN NƏ VAR - FOTO
Misirin İsgəndəriyyə şəhərində aparılan sualtı arxeoloji qazıntılar zamanı üzərində qədim dünyanın itirilmiş möcüzələrindən biri olan İsgəndəriyyə mayakının təsviri həkk edilmiş bürünc möhür üzüyü aşkarlanıb. Arxeoloqlar bunun İsgəndəriyyə mayakının təsvir olunduğu məlum ilk möhür üzüyü olduğunu bildirirlər.
Musavat.com xəbər verir ki, kəşf İsgəndəriyyənin Şərq limanında, hazırda Aralıq dənizinin altında qalan Antirhodos adasında aparılan qazıntılar zamanı edilib. Tədqiqatları Avropa Sualtı Arxeologiya İnstitutu və Misirin Sualtı Arxeologiya Baş İdarəsi həyata keçirir.
Dənizin dibindən çıxarılan bürünc üzüyün üzərində İsgəndəriyyə mayakını əks etdirən təsvir var. Misir Ali Əsərlər Şurasının baş katibi Hişam El Leysi bunun məşhur mayakın təsvirini daşıyan məlum ilk möhür üzüyü olduğunu açıqlayıb.
Üzükdəki təsvirin eramızın II əsrinə aid bəzi sikkələrdəki İsgəndəriyyə mayakı təsvirləri ilə oxşarlıq təşkil etdiyi müəyyənləşdirilib. Bu səbəbdən üzüyün də həmin dövrə aid ola biləcəyi ehtimal edilir.
Kəşfin edildiyi ərazi də xüsusi əhəmiyyət daşıyır. Antirhodos adası qədim İsgəndəriyyənin kral ərazisinin bir hissəsi olub və burada saray tikililərinin yerləşdiyi məlumdur. Yunan coğrafiyaşünası Strabon da eramızdan əvvəl 29-25-ci illər arasında Misirə səfəri zamanı bu saray haqqında yazıb.
Tədqiqatçılar üzüyün burada tapılmasının saray ərazisinin sonrakı əsrlərdə də inzibati məqsədlərlə istifadə olunmuş ola biləcəyinə işarə etdiyini bildirirlər. Misirli mütəxəssislər ərazidəki fəaliyyətlərin mayakın idarə olunması ilə əlaqəli olması ehtimalını da nəzərdən keçirirlər.
Şərq limanındakı qazıntılar zamanı təkcə üzük aşkarlanmayıb. Dörd müxtəlif nöqtədə aparılan işlər zamanı eramızdan əvvəl IV əsrdən eramızın IV əsrinə qədər olan dövrlərə aid keramika məmulatları, amforalar, şüşələr, çıraqlar, qab-qacaq və şüşə parçaları da tapılıb.
İsgəndəriyyə mayakı eramızdan əvvəl III əsrdə Faros adasında inşa edilmişdi. Əsrlər boyu limana yaxınlaşan gəmilərə yol göstərən nəhəng tikili sonradan baş verən zəlzələlər nəticəsində böyük ölçüdə dağılıb və günümüzə qədər gəlib çatmayıb.
Dənizin dibindən çıxarılan kiçik bürünc üzük isə qədim dövrdə İsgəndəriyyə mayakının necə təsvir edildiyinə dair yeni arxeoloji sübut kimi qiymətləndirilir.
ƏLAQƏLİ XƏBƏRLƏR
XƏBƏR LENTİ
13 Oktyabr 2026
00:33 Böyük Britaniyadan İrana qarşı SANKSİYA ZƏRBƏSİ: Baş nazir SEPAH-ın partlayış planını açıqladı
12 Oktyabr 2026
ŞƏRHLƏRŞƏRH YAZ