Onlayn ictimai-siyasi qəzet
Dilek İmamoğlunun qardaşı həbs edildi
İstanbulda aparılan “narkotik” və “fahişəlik” iddiaları ilə bağlı istintaq çərçivəsində saxlanılanlar barəsində məhkəmə qərarı verilib. Bu iş üzrə saxlanılanlar arasında Dilek İmamoğlunun qardaşı Ali Kaya da var.
Musavat.com xəbər verir ki, İstanbul Ədliyyəsində (Çağlayan) keçirilən baxışdan sonra Ali Kaya daxil olmaqla 14 nəfərin həbsinə qərar çıxarılıb, 5 nəfər barəsində isə məhkəmə nəzarəti (adli kontrol) tətbiq olunub.
Məlumata görə, İstanbul Cumhuriyyət Baş Prokurorluğunun işi üzrə ümumilikdə 27 nəfər barədə saxlanılma qərarı verilib, əməliyyat zamanı 19 nəfər nəzarətə götürülüb. Saxlanılanlar 4 fevralda keçirilən əməliyyatdan sonra istintaqa cəlb edilib və bu gün prokurorluq ifadələrindən sonra məhkəməyə çıxarılıblar.
Türkiyə mətbuatında yer alan informasiyaya əsasən, Ali Kaya prokurorluqdakı prosedurlardan sonra həbs tələbi ilə növbətçi Sulh Cəza Hakimliyinə göndərilib və yekunda məhkəmə həbs qərarı verib.
İstintaqın “narkotik” və “fahişəliyə vasitəçilik/yer təmin etmə” kimi iddialar üzrə davam etdiyi bildirilir. Rəsmi qurumlar iş üzrə araşdırmaların getdiyini vurğulayır.
Qeyd edək ki, Dilek İmamoğlu hazırda həbsdə olan İstanbul Böyükşəhər Bələdiyyəsinin (İBB) sədri Ekrem İmamoğlunun həyat yoldaşıdır.
Musavat.com
XƏBƏR LENTİ
05 Iyun 2026
ŞƏRHLƏRŞƏRH YAZ