Onlayn ictimai-siyasi qəzet
İrəvanda yeni rusiyayönlü qüvvə yaratmaq istəyirlər
Ermənistanda rusiyayönlü siyasi dairələr ölkənin Qərbə inteqrasiyasına qarşı çıxaraq İrəvanın gələcəyini yalnız Moskva ilə strateji ittifaqda gördüklərini açıq şəkildə bəyan etməyə başlayıblar. “Mənim ölkəm, mənim Ermənistanım” ictimai-siyasi hərəkatının sədri Mher Avetisyan bunun üçün ayrıca rusiyayönlü siyasi birliyin yaradılmasını da təklif edib.
Musavat.com erməni mediasına istinadən xəbər verir ki, Avetisyan bu barədə sosial şəbəkə hesabında yazıb.
“Ermənistan Qərbə gedə bilməz və heç vaxt getməyəcək. Ermənistanın müstəqil və suveren dövlət kimi gələcəyi yalnız Rusiyanın yanında – Rusiya və rus xalqı ilə dostluq və strateji müttəfiqlik sayəsində mümkündür”, – Avetisyan bildirib.
O, həm Ermənistan hakimiyyətini, həm də müxalifəti Avropa ilə yaxınlaşmaq cəhdlərinə görə tənqid edib. Avetisyanın fikrincə, İrəvanın eyni zamanda həm Rusiya, həm də Qərblə yaxşı münasibətlər saxlamağa çalışması artıq mümkün deyil.
Rusiyayönlü siyasətçi TRIPP layihəsini də hədəfə alaraq Ermənistan hakimiyyəti və müxalifətinin bu layihəyə müsbət yanaşmasını tənqid edib. Onun iddiasına görə, Moskva artıq İrəvandan seçim etməsini – “Rusiya ilə, yoxsa onun düşmənləri ilə” olduğunu müəyyənləşdirməsini istəyir.
Avetisyan Qərbin Cənubi Qafqazdakı iştirakına da qarşı çıxıb. O bildirib ki, Ermənistan, Azərbaycan, Türkiyə, Rusiya, İran və Gürcüstan arasında regional məsələlərin “3+3” formatında həll edilməsi daha məqsədəuyğundur və Qərbin regiondakı proseslərə müdaxiləsinə imkan verilməməlidir.
Hərəkat rəhbəri Ermənistanda hazırda Moskva ilə daha sıx münasibətləri müdafiə edən ciddi siyasi qüvvənin olmadığından şikayətlənərək yeni siyasi birlik yaradılmasının vaxtının çatdığını bildirib.
Avetisyan Ermənistan müxalifəti barədə də maraqlı iddia səsləndirib. Onun sözlərinə görə, bəzi müxalifət nümayəndələri şəxsi söhbətlərində Rusiya prezidenti Vladimir Putinin Ermənistanda hakimiyyət dəyişikliyinə kömək etməməsindən narazılıq edirlər.
O, bunun əvəzində Moskvanın Ermənistanda kimin hakimiyyətdə olmasından asılı olmayaraq həmin rəhbərliklə işləyəcəyini bildirib.
Beləliklə, Avetisyanın açıqlaması Ermənistanın xarici siyasət kursu ətrafında gedən mübarizədə rusiyayönlü dairələrin mövqeyini kifayət qədər açıq ortaya qoyur: Qərbdən uzaqlaşmaq, Moskva ilə strateji bağlılığı qorumaq və bunun üçün ayrıca siyasi qüvvə formalaşdırmaq.
Musavat.com
ƏLAQƏLİ XƏBƏRLƏR
XƏBƏR LENTİ
13 Oktyabr 2026
00:33 Böyük Britaniyadan İrana qarşı SANKSİYA ZƏRBƏSİ: Baş nazir SEPAH-ın partlayış planını açıqladı
12 Oktyabr 2026
ŞƏRHLƏRŞƏRH YAZ