Onlayn ictimai-siyasi qəzet
Kiyevdə TERROR: Hərbçiyə məxsus avtomobil PARTLADILDI - Yaralılar var
Kiyevdə yolsuzluq avtomobili partlayıb, xəsarət alanlar var.
Musavat.com xəbər verir ki, bu barədə Ukrayna polisi özünün “Telegram” kanalında məlumat yayıb.
Bildirilir ki, hadisə paytaxtın Obolon rayonunda baş verib.
“Paytaxtın Obolon rayonunda yolsuzluq avtomobilinin partlaması ilə bağlı hadisənin bütün halları araşdırılır. İlkin məlumata görə, partlayış nəticəsində xəsarət alanlar var”, – deyə Ukraynanın operativ xidmətlərinin açıqlamasında qeyd olunub.
Hadisə yerində Kiyev polisinin istintaqçıları və kinoloqları çalışır. Hazırda əlavə detallar açıqlanmır. Xəsarət alanların hamısı xəstəxanaya yerləşdirilib.
Ukrayna KİV-lərinin məlumatına görə, partlayan yolsuzluq avtomobili hərbi qulluqçuya məxsus olub. Ukrayna Prokurorluğu insidenti terror aktı kimi qiymətləndirib və hərbi qulluqçunun qəlpə yaraları aldığı bildirilib.
Musavat.com
XƏBƏR LENTİ
07 Iyun 2026
ŞƏRHLƏRŞƏRH YAZ