Onlayn ictimai-siyasi qəzet
Kremldən Ukrayna ilə bağlı ŞOK AÇIQLAMA: "Hazırda heç bir "yol xəritəsi" yoxdur"
Rusiya Prezidentinin mətbuat katibi Dmitri Peskov Ukrayna münaqişəsinin nizamlanması üzrə hazırda masada hər hansı rəsmi "yol xəritəsi"nin olmadığını bəyan edib.
Musavat.com xəbər verir ki, Kreml rəsmisi keçirdiyi brifinqdə Vaşinqton, Pekin və Budapeştlə münasibətlərə, eləce də Ukrayna ətrafındakı son diplomatik proseslərə dair mühüm bəyanatlarla çıxış edib.
Peskov Rusiya Prezidenti Vladimir Putin və ABŞ Prezidenti Donald Tramp arasında baş tutan son telefon danışığının bəzi detallarını açıqlayıb. O bildirib ki, liderlər noyabr ayında Çinin Şençjen şəhərində keçiriləcək Asiya-Sakit Okean İqtisadi Əməkdaşlıq (APEC) sammiti çərçivəsində ikitərəfli görüşün keçirilməsi imkanlarını nəzərdən keçiriblər.
Mətbuat katibinin sözlərinə görə, tərəflər hətta ÇXR Sədri Si Cinpinin də iştirak edəcəyi üçtərəfli yüksəksəviyyəli formatın təşkili ideyasını müzakirə ediblər. Kreml Ukrayna böhranının həlli üzrə danışıqların yaxın perspektivdə məhz bu kimi formatlarda bərpa olunacağına böyük ümid bəsləyir.
Eyni zamanda Moskva ilə Kiyev arasında humanitar təmasların kəsilmədiyini vurğulayan Peskov, Rusiya tərəfinin Ukrayna ilə hərbi əsirlərin dəyişdirilməsi istiqamətində işləri fasiləsiz davam etdirdiyini diqqətə çatdırıb.
Brifinqdə Avropadakı diplomatik gərginliyə də toxunulub. Peskov Budapeştin rus diplomatlarını ölkədən çıxarmaq qərarına münasibət bildirərək, bu addımın Macarıstan və Rusiya arasındakı ikitərəfli münasibətlərə mənfi təsir göstərəcəyini vurğulayıb.
Buna baxmayaraq, Kreml sözçüsü Moskvanın Budapeştlə əlaqələrin gələcək inkişafı üçün Dialoqa açıq qaldığını bəyan edib.
Musavat.com
XƏBƏR LENTİ
10 Sentyabr 2026
00:14 SON DƏQİQƏ: Soçiyə dəhşətli hücum başladı - Şəhərdə güclü partlayışlar, əhali panikada - VİDEO
09 Sentyabr 2026
ŞƏRHLƏRŞƏRH YAZ