Onlayn ictimai-siyasi qəzet
Meksika Kubaya neft təchizatını dayandırdı
Meksika ABŞ tarifləri təhlükəsi səbəbindən Kubaya neft daşınmasını müvəqqəti olaraq dayandırıb.
Musavat.com xəbər verir ki, bunu prezident Klaudiya Şeynbaum gündəlik mətbuat konfransında deyib.
Onun sözlərinə görə, Meksika adaya humanitar yardım göstərməyə davam edəcək:
"Neft daşınması hazırda dayandırılıb; biz Meksika üçün mənfi nəticələrdən qaçmağa çalışırıq".
O əlavə edib ki, Meksika ABŞ məhdudiyyətləri altına düşmədən Havananı dəstəkləməyin yolunu tapmaq üçün diplomatik şəkildə çalışır.
Şeynbaum həmçinin ABŞ-ı məhdudiyyətləri aradan qaldırmağa çağırıb: "Biz beynəlxalq səviyyədə, o cümlədən ABŞ-a müraciət edirik ki, bu sanksiyalar Kuba xalqına qarşı son dərəcə ədalətsizdir. Onların xəstəxanalar, məktəblər üçün yanacağı yoxdur, ona görə də xalq əziyyət çəkir".
Prezident vurğulayıb ki, Meksika Kubaya humanitar dəstəyindən əl çəkməyəcək: "Biz həmişə ehtiyacı olan insanlara kömək etdiyimiz kimi, Kuba xalqına da kömək edəcəyik".
Musavat.com
ƏLAQƏLİ XƏBƏRLƏR
XƏBƏR LENTİ
06 Iyun 2026
ŞƏRHLƏRŞƏRH YAZ