Onlayn ictimai-siyasi qəzet
Ötən il La-Manşdan Britaniyaya 41.000-dən çox qanunsuz miqrant keçib
2025-ci ildə İngiltərəyə şişmə qayıqlarla La-Manş boğazı vasitəsilə gələn qanunsuz miqrantların sayı 41.500 nəfər olub. Bu, 2022-ci ildən bəri ən yüksək göstəricidir.
Musavat.com BBC-yə istinadla xəbər verir ki, bu rəqəmlər 2024-cü illə müqayisədə 13% artımdır. Həmin vaxt Birləşmiş Krallıq sahillərinə çatan qanunsuz miqrantların ümumi sayı 36.600 nəfər olub.
Böyük Britaniyanın Avropa İttifaqından çıxmasından bəri qanunsuz immiqrasiya problemi daha da kəskinləşib. Əslində bu məsələ Brexit-in əsas səbəblərindən biri idi. İngilislər Aİ-dən çıxmaqla qanunsuz miqrantlardan can qurtaracaqlarını da düşünürdülər.
2018-ci ildən bəri 190.000-dən çox qanunsuz immiqrant şişmə qayıqlarla Böyük Britaniyaya daxil olub. 2024-cü ilin iyul ayında keçirilən parlament seçkilərindən sonra Leyborist partiyası tərəfindən qurulan hökumət, qanunsuz miqrantların ölkəyə daxil olmasının qarşısını almaq üçün Aİ üzv dövlətləri ilə əməkdaşlığı gücləndirəcəyinə söz verib.
Musavat.com
XƏBƏR LENTİ
06 Iyun 2026
ŞƏRHLƏRŞƏRH YAZ