Onlayn ictimai-siyasi qəzet
Rusiyadan Zaporojyeyə DƏHŞƏTLİ BOMBA ZƏRBƏSİ: Yaşayış binaları dağıldı, həlak olan və çoxlu yaralı var
Rusiya Silahlı Qüvvələri Ukraynanın Zaporojye şəhərinə altı idarəolunan aviabomba (KAB) ilə güclü zərbələr endirib.
Musavat.com xəbər verir ki, mülki infrastrukturu və yaşayış massivlərini hədəf alan hücum nəticəsində bir nəfər həlak olub, 16 nəfər isə müxtəlif dərəcəli bədən xəsarətləri alıb.
Zaporojye Vilayət Hərbi Administrasiyasının rəhbəri Mixail Semikinin verdiyi məlumata görə, yaralılardan üçünün vəziyyəti orta-ağır qiymətləndirilir və həkim nəzarətindədir. Aviasiya zərbələri nəticəsində bir çoxmərtəbəli yaşayış binası qismən dağılıb, daha 20-dən çox bina isə ciddi zərər görüb. Eyni zamanda şəhər Uşaq və Yeniyetmələrin Yaradıcılıq Sarayının binasına da ziyan dəyib.
Hadisə yerinə dərhal cəlb olunan xilasedicilər dağılmış mənzillərdə blokadada qalan 12 sakini təxliyə edərək xilas ediblər. Zərbə nöqtələrindən birində zərbə dalğası və yanğın nəticəsində beş minik avtomobili tamamilə yanaraq külə dönüb. Ərazidə Fövqəladə Hallar Xidmətinin əməkdaşları və bərpa briqadaları işlərini davam etdirir.
Musavat.com
XƏBƏR LENTİ
12 Oktyabr 2026
ŞƏRHLƏRŞƏRH YAZ