Onlayn ictimai-siyasi qəzet
Rusiyaya qarşı “cəhənnəm sanksiyaları” Senatda ilk səsvermədən keçdi
Rusiyaya qarşı ABŞ sanksiyalarının sərtləşdirilməsi ilə bağlı qanun layihəsi 28 iyulda ABŞ Senatında prosedur səsverməsindən keçib.
Musavat.com xəbər verir ki, 86 senator qanun layihəsi ilə bağlı müzakirələrin qısaldılmasının lehinə, 12 senator isə əleyhinə səs verib.
Bu nəticələr o deməkdir ki, tezliklə bununla bağlı əlavə prosedur və yekun səsvermələr təyin oluna bilər.
Konqresin işinin işıqlandırılmasında ixtisaslaşmış Punchbowl News veb saytının əvvəllər xəbər verdiyi kimi, Senatda çoxluğa sahib olan respublikaçılar bu həftənin sonuna qədər qanun layihəsi ilə bağlı yekun səsverməyə keçməyi gözləyirlər. Sənədin əsas müəllifi 11 iyulda qəfildən vəfat edən senator Lindsi Qrem idi.
Qanun layihəsinin yeni versiyasının mətninə əsasən, sanksiyalar Rusiyanın yüksək siyasi və hərbi rəhbərliyinə, dövlət şirkətlərinə və Rusiya müdafiə sənayesini dəstəkləyən xarici müəssisələrə qarşı təklif olunur.
Bundan əlavə, Rusiya Mərkəzi Bankına, Sberbanka və Qazprombanka, eləcə də Rusiyanın iri enerji layihələrinə - xüsusən də Yamal LNG, üç Arktika LNG layihəsi və Arktikada gələcək enerji layihələrinə qarşı da sanksiyalar nəzərdə tutulur.
Sənəd həmçinin prezidentə İrana qarşı iqtisadi təzyiqləri artırmaq üçün səlahiyyətlər verir.
Musavat.com
ƏLAQƏLİ XƏBƏRLƏR
XƏBƏR LENTİ
20 Avqust 2026
ŞƏRHLƏRŞƏRH YAZ