Onlayn ictimai-siyasi qəzet
SON DƏQİQƏ! Dünya ÇALXALANIR – Elə bir həftə başlayacaq ki...
Xəbər verildiyi kimi, ABŞ Mərkəzi Komandanlığı (CENTCOM) İranın üç neft tankerinin vurulduğunu açıqlayıb.
Musavat.com bildirir ki, hücumların həftəsonu baş verməsi səbəbindən onların bazarlara birbaşa təsiri hələlik özünü göstərməyib.
Həftəni 96,28 dollar səviyyəsində başa vuran “Brent” neftinin bazar ertəsi verəcəyi reaksiya isə böyük maraqla gözlənilir.
Yeni həftənin ilk qiymətləndirmələrində tanker hücumlarının geosiyasi riskləri daha da artırıb-artırmayacağı və bunun neftin qiymətinə əlavə təzyiq yaradıb-yaratmayacağı əsas diqqət mərkəzində olacaq.
Enerji bazarlarının diqqətində olan digər mühüm məsələ isə Hörmüz boğazıdır.
“Kpler”in məlumatına görə, boğazdan keçən əmtəə daşıyan gəmilərin sayı cümə axşamı 4-ə qədər azalıb. Son 10 gün üzrə orta göstəricinin isə təxminən 15 gəmi olduğu bildirilib.
Bölgədə təhlükəsizlik risklərinin artması səbəbindən gəmilərin marşrutlarını dəyişməsi və ya dəniz daşımalarının bahalaşması neft qiymətlərinə əlavə təzyiq yarada biləcək əsas amillər sırasında göstərilir.
Türkiyə üçün əsas risk
Türkiyə baxımından məsələ yalnız neftin bir barelinin qiymətinin artması ilə məhdudlaşmır. Bölgədə hərbi gərginliyin daha da yüksəlməsi tanker daşımalarının tariflərini və müharibə riski üzrə sığorta haqlarını artıraraq enerji xərclərini əhəmiyyətli dərəcədə yüksəldə bilər.
Neft qiymətlərində uzunmüddətli və davamlı artım baş verəcəyi təqdirdə, xüsusilə yanacaq sektorunda olmaqla, nəqliyyat, aviasiya, neft-kimya və logistika sahələrində də ciddi xərc təzyiqinin yaranması gözlənilir. Bu səbəbdən bazar ertəsi Asiya birjalarının açılması ilə neft qiymətlərinin verəcəyi ilk reaksiya Türkiyədə yanacaq qiymətlərinin gələcək istiqaməti baxımından da diqqətlə izləniləcək.
Bazar iştirakçıları xüsusilə “Brent” neftinin 100 dollar həddinə yaxınlaşıb-yaxınlaşmayacağını, Hörmüz boğazında daşımaların normal səviyyəyə qayıdıb-qayıtmayacağını və ABŞ-İran qarşıdurmasının enerji infrastrukturuna daha geniş miqyasda təsir edib-etməyəcəyini qiymətləndirəcəklər.
Musavat.com
XƏBƏR LENTİ
06 Sentyabr 2026
ŞƏRHLƏRŞƏRH YAZ