Onlayn ictimai-siyasi qəzet
Təcili! ABŞ qüvvələrin sayını artırdı – gərginlik son həddə
ABŞ son bir ay ərzində İran ətrafındakı hərbi mövcudluğunu əhəmiyyətli dərəcədə gücləndirib.
Musavat.com xəbər verir ki, Vaşinqton İran yaxınlığındakı bazalara onlarla hərbi təyyarə göndərib, Yaxın Şərq regionunda isə təxminən bir düzünə yaxın döyüş gəmisini cəmləşdirib. Bu barədə The Washington Post nəşri məlumat yayıb.
Məlumata görə, hərbi fəallıq ötən il Tehranın nüvə proqramına qarşı həyata keçirilmiş zərbələrin miqyasına çatmasa da, ABŞ prezidenti Donald Tramp üçün mümkün hərbi seçimlərin gündəmdə saxlanıldığını göstərir.
Hazırda ABŞ-nin “Abraham Lincoln” aviadaşıyanı üç esmineslə birlikdə Ərəb dənizinin şimal hissəsində fəaliyyət göstərir. Bundan əlavə, bölgədə ən azı səkkiz digər Amerika döyüş gəmisi mövcuddur. Həmin gəmilərin bir qismi strateji əhəmiyyətə malik Hörmüz boğazı ətrafında yerləşdirilib.
Eyni zamanda İran tərəfi də bölgədə hərbi aktivliyini artırıb. Məlumata əsasən, İran pilotsuz uçuş aparatları vasitəsilə əməliyyat və müşahidə fəaliyyətlərini genişləndirib. Bundan başqa, “Şəhid Bağeri” adlı pilotsuz uçuş aparatları daşıyan gəminin də əməliyyatlara cəlb olunduğu bildirilir.
Musavat.com
XƏBƏR LENTİ
07 Iyun 2026
ŞƏRHLƏRŞƏRH YAZ