Onlayn ictimai-siyasi qəzet
Tramp Braziliya ilə münasibətləri yaxşılaşdırmağa çalışır
ABŞ prezidenti Donald Tramp Braziliya prezidenti Luis İnasio Lula da Silva ilə telefon danışığında ticarət, tariflər və cinayətkarlığa qarşı mübarizədə əməkdaşlıq məsələlərini müzakirə edib.
Musavat.com xəbər verir ki, bunu Tramp Truth Social hesabında açıqlayıb: "Braziliya prezidenti Lula da Silva ilə çox məhsuldar telefon danışığım oldu. Digər məsələlərlə yanaşı, ticarət, mütəşəkkil cinayətkarlığa qarşı mübarizədə ölkələrimiz arasında əməkdaşlıq imkanları, müxtəlif Braziliya rəsmilərinə tətbiq edilən sanksiyalar, tariflər və digər müxtəlif məsələləri müzakirə etdik".
Tramp qeyd edib ki, o və Lula da Silva "uzun müddət davam edəcək çox yaxşı bir dialoq və razılaşma üçün təməl qoyublar": "Onu tezliklə görməyi və onunla danışmağı səbirsizliklə gözləyirəm. Bu yeni tərəfdaşlıq bir çox yaxşı şeylər gətirəcək".
Qeyd edək ki, bu ilin ortalarında Tramp Braziliyadan idxal olunan mallara yüksək rüsumlar tətbiq edib. Lakin ABŞ-da qeydə alınan bahalaşmaya görə noyabrda Braziliyanın kənd təsərrüfatı məhsullarına rüsumları ləğv etməyə məcbur olub. Hazırda Braziliya qalan məhsullar üzrə rüsumların da ləğvinə çalışır.
Musavat.com
XƏBƏR LENTİ
27 Iyun 2026
26 Iyun 2026
ŞƏRHLƏRŞƏRH YAZ