Onlayn ictimai-siyasi qəzet
13 yaşında özünə ev tikdi: Valideynləri yalnız bir şərt qoydu
ABŞ-ın Ayova ştatında yaşayan 13 yaşlı Luke Thill ailəsinin həyətində öz imkanları ilə 8 kvadratmetrlik kiçik müstəqil ev inşa edib. Valideynləri layihəyə yalnız bütün maliyyə məsuliyyətini öz üzərinə götürməsi və tikinti üçün lazım olan materialları özü təmin etməsi şərtilə razılıq veriblər.
Musavat.com xəbər verir ki, Thill kiçik ev ideyası ilə internetdə izlədiyi videolar vasitəsilə tanış olub. Bundan sonra özünə belə bir məkan yaratmaq qərarına gəlib və layihəni həyata keçirmək üçün ailəsindən icazə istəyib.
Gənc tikinti üçün təxminən 1 500 dollar büdcə müəyyənləşdirib. Lazım olan pulu qonşuların həyətlərində ot biçərək və müxtəlif gündəlik işlər görərək qazanıb.
Thill bəzi işləri isə pul ödəmək əvəzinə əmək qarşılığında görüb. Məsələn, qonşuluqda yaşayan elektrikçinin qarajını təmizləyərək elektrik sisteminin qurulması ilə bağlı praktiki biliklər əldə edib.
İzci klubundan tanıdığı xalça ustasının obyektlərində çəmən biçməklə də evinin döşəməsinin xalça ilə örtülməsini təmin edib.
Tikinti prosesində atasının köməyindən də yararlanan Thill evin daxili dizaynı və mebellərin yerləşdirilməsi məsələsində isə anasının dəstəyini alıb.
Tikintisi başa çatan 8 kvadratmetrlik evdə asma mərtəbədə yataq, oturmaq üçün sahə, televizor, mini soyuducu və qatlanan yemək masası yerləşir.
13 yaşlı Thill bu kiçik evi əsasən dərs oxumaq və dostları ilə vaxt keçirmək üçün istifadə edir.
Musavat.com
XƏBƏR LENTİ
03 Sentyabr 2026
ŞƏRHLƏRŞƏRH YAZ