İnsanlara hürriyət, millətlərə istiqlal!

Moskva səmasında dron xaosu: "Pegasus" uçuşları ləğv etdi, hava limanlarında kütləvi iflic yaşandı

Türkiyənin "Pegasus" aviaşirkəti sentyabrın 2-nə keçən gecə Bodrum, İzmir və Antalyadan Moskvaya uçan bir neçə təyyarəni havadan geriyə qaytararaq, səhər saatlarında Türkiyə ilə Rusiya şəhərləri arasında planlaşdırılan onlarla reysi tamamilə ləğv edib.

Musavat.com xəbər verir ki, aviadaşıyıcının nümayəndələri uçuşların Türkiyə tərəfinin rəsmi qadağası səbəbindən dayandırıldığını bildiriblər. Eyni zamanda, Ukrayna PUA-larının kütləvi hücumu nəticəsində Moskva aeroportlarında 80-ə yaxın reys ləğv olunub və ya təxirə salınıb. Rusiya Müdafiə Nazirliyi isə 11 region və Krım üzərində 130 dronun vurulduğunu iddia edib.

Türkiyə aviaşirkətinin bu qəfil qərarı Ukrayna Prezidenti Volodimir Zelenskinin Rusiya səmasının "faktiki olaraq bağlanacağı" barədə xəbərdarlığından dərhal sonra gəlib. Zelenski Kiyevin mülki təyyarələrə hücum etməyəcəyini, lakin kütləvi PUA hücumlarının Rusiya, xüsusən Moskva və Sankt-Peterburq səmasını mülki aviasiya üçün tamamilə təhlükəli edəcəyini bəyan etmişdi.

Rusiya Prezidenti Vladimir Putin isə öz növbəsində Ukrayna liderinin bu bəyanatını "dövlət terrorizminə iddia" adlandıraraq adekvat cavab tədbirlərinin görüləcəyini vəd edib.

Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

03.09.2026 137

Təhlükəli alaq otu: Görəndə uzaq durun - Dərmanlar belə kömək etmir
03.09.2026 157

ABŞ-İran münaqişəsində gərginlik pik həddə - Qarşılıqlı raket zərbələri
03.09.2026 180

İsraildən şok Qəzza PLANI: Görün nəyə HAZIRLAŞIRLAR

XƏBƏR LENTİ

03 Sentyabr 2026

02 Sentyabr 2026

BÜTÜN XƏBƏRLƏR