Onlayn ictimai-siyasi qəzet
Türkiyədə yeni qanunda Öcalan sürprizi - Dəmirtaşla bağlı qərar məhkəməyə qaldı
Türkiyə Prezidentinin müavini Cevdət Yılmaz “Milli Həmrəylik və İctimai Bütövlüyün Gücləndirilməsi haqqında” qanun layihəsi ilə bağlı açıqlama verib.
Musavat.com xəbər verir ki, Cevdət Yılmaz PKK lideri Abdullah Öcalanın yeni tənzimləmədən yararlanıb-yararlanmayacağı ilə bağlı məsələyə aydınlıq gətirib.
“Abdullah Öcalan bu tənzimləmənin əhatə dairəsində deyil”, – deyə Yılmaz bildirib.
O, həbsdə olan keçmiş HDP həmsədri Səlahəddin Dəmirtaşla bağlı suala da cavab verib. Prezidentin müavini vurğulayıb ki, qanun layihəsi konkret şəxslər üçün deyil, ümumi xarakter daşıyır:
“Bu, ümumi tənzimləmədir, ayrı-ayrı şəxslər üçün nəzərdə tutulmayıb. Qəbul edilən tənzimləmə kimə şamil olunursa, həmin şəxslər ondan yararlanacaqlar. Qərarı məhkəmə orqanları verəcək”.
Beləliklə, Yılmaz Öcalanın qanun layihəsinin əhatəsinə daxil olmadığını konkret şəkildə bəyan etsə də, Dəmirtaşın mümkün şəkildə tənzimləmədən yararlanması məsələsinin məhkəmə orqanlarının qərarından asılı olacağını bildirib.
Musavat.com
XƏBƏR LENTİ
28 Avqust 2026
27 Avqust 2026
ŞƏRHLƏRŞƏRH YAZ