Onlayn ictimai-siyasi qəzet
Ukrayna tərəfi danışıqların davam etdirilməsi üçün ABŞ-a dəvət olunub
Ukrayna münaqişənin həllinə dair 20 bəndlik sülh planına güvənir və öz suverenliyindən güzəştə getməyəcək.
Musavat.com xəbər verir ki, bunu Ukraynanın xarici işlər naziri Andrey Sibiqa Brüsseldə keçirilən Ukrayna-NATO Şurasının iclasından sonra deyib. O, əlavə edib ki, Ukrayna nümayəndə heyəti müzakirəni davam etdirmək üçün yaxın gələcəkdə Amerikaya dəvət olunub: "Şura iclasının iştirakçıları başa düşürlər ki, danışıqlar masasında Ukraynanın mövqeyi gücləndirilməlidir və ən əsası, onlar Ukraynanın suverenliyini dəstəkləyirlər. Ukraynanın suverenliyinə heç bir güzəşt, sərhədlərin zorla dəyişdirilməsi mümkün deyil. Biz Cenevrədə və sonra Mayamidə hazırlanmış 20 bəndlik sülh planına güvənirik. Bunu vurğulamaq istəyirəm ki, Amerika nümayəndə heyəti Ukraynanın mövqeyini eşidə bilsin".
Sibiqa həmçinin Ukrayna tərəfinin artıq Amerika nümayəndə heyətinin üzvləri ilə əlaqə saxladığını bildirib: "Amerikalıların sözlərinə görə, Moskvadakı danışıqlar sülh prosesinə müsbət təsir göstərib".
Onun sözlərinə görə, Ukrayna nümayəndə heyəti "yaxın gələcəkdə Amerikada söhbəti davam etdirməyə" dəvət olunub.
Musavat.com
XƏBƏR LENTİ
19 Iyun 2026
ŞƏRHLƏRŞƏRH YAZ