Onlayn ictimai-siyasi qəzet
Zelenski diplomatik adəti pozdu: Trampın təbrik məktubunu...
Prezident Volodimir Zelenski ABŞ lideri Donald Trampın Ukraynanın Müstəqillik Günü ilə bağlı təbrikini özünəməxsus şərhlə hesabında paylaşıb.
Musavat.com-un xəbərinə əsasən, Tramp məktubunda qeyd edib:
"ABŞ sizin möhkəm ruhunuza heyran qalır, fədakarlığınıza hörmət edir və suveren, çiçəklənən bir millət kimi gələcəyinizə inamla yanaşır. Gəlin bu anı münaqişəyə son qoymaq və Ukraynanın gələcək nəsillər üçün nəhəng potensialını açan güclü, davamlı bir sülh qurmaq üçün istifadə edək".
Zelenski isə təbriklə bərabər öz şərhini paylaşıb: "Patriot PAC-3 buraxılışının səsi kimi, bu sözlər əhval-ruhiyyəmizi qaldırır və həyatın Rusiyanın vəhşi hücumlarından qorunacağına və ləyaqətli bir sülhə nail olunacağına ümid verir".
Analitiklərə görə, Zelenski bu şərhi Trampa Ukraynanın Rusiya ballistik raketlərinə qarşı raketlərə ehtiyacı olduğunu nəzakətlə xatırlatmaq üçün daha yumşaq bir cəhd, yaxud Ukraynanın boş sözlərə deyil, real köməyə ehtiyacı olduğuna dair daha güclü bir açıqlama kimi qarşılana bilər. Hər iki halda, belə bir şərhin Trampın Zelenski ilə onsuz da çətin olan münasibətlərini daha da çətinləşdirə biləcəyi ehtimalı yüksək qiymətləndirilir. Çünki diplomatik praktikada adi təbrik məktublarına cavab olaraq bu cür həssas məsələləri açıq şəkildə ictimailəşdirmək praktikası mövcud deyil.
Musavat.com
XƏBƏR LENTİ
25 Avqust 2026
ŞƏRHLƏRŞƏRH YAZ