Onlayn ictimai-siyasi qəzet
Alman polisi əməkdaş tapa bilmir, yerlər boş qalıb – səbəbi dəhşətə gətirdi
Almaniyanın paytaxtı Berlində polis yeni əməkdaşların işə qəbulu zamanı ciddi kadr problemi ilə üzləşib.
Musavat.com xəbər verir ki, Berlin polisinə müraciət edən namizədlərin təxminən 40 faizi alman dili üzrə məcburi imtahandan keçə bilmir.
Namizədlər xüsusilə diktə və qrammatika tapşırıqlarında çətinlik çəkirlər. Bu isə polis sıralarına nəzərdə tutulan sayda yeni əməkdaşın qəbul edilməsinə mane olur.
Maraqlıdır ki, Berlin polisi namizədlərin qəbul imtahanlarına hazırlaşması üçün YouTube və sosial şəbəkələrdə xüsusi məşq materialları da yayımlayır. Buna baxmayaraq, nəticələr gözlənilən səviyyədə deyil.
2025-ci ildə gələcək polis əməkdaşlarının hazırlanması üçün ayrılmış 1224 təhsil yerindən yalnız 936-sını doldurmaq mümkün olub. Beləliklə, yüzlərlə yer boş qalıb.
Berlin polisinin açıqlamasına görə, alman dili imtahanındakı zəif nəticələri namizədlərin milliyyəti və ya mənşəyi ilə əlaqələndirmək düzgün deyil. Müxtəlif qruplardan olan namizədlər imtahandan keçməkdə çətinlik çəkirlər.
Paytaxt polisində kadr çatışmazlığı artıq bir neçə ildir davam edir. Hakimiyyət əlavə hazırlıq proqramlarının gücləndirilməsi və qəbul imtahanlarının formatının dəyişdirilməsi də daxil olmaqla müxtəlif variantları nəzərdən keçirir.
Musavat.com
ƏLAQƏLİ XƏBƏRLƏR
XƏBƏR LENTİ
01 Sentyabr 2026
31 Avqust 2026
ŞƏRHLƏRŞƏRH YAZ