Onlayn ictimai-siyasi qəzet
Netanyahudan İrana və dünyaya nüvə ultimatumu
İsrail Baş naziri Benjamin Netanyahu rəsmi Vaşinqtonla Təl-Əviv arasında Tehranın sızdırdığı "14 bəndlik sülh memorandumu" və ABŞ ordusunun Oman körfəzindəki hərbi əməliyyatları fonunda rəsmi Tehrana qarşı növbəti kəskin və güzəştsiz bəyanatla çıxış edib.
Musavat.com xəbər verir ki, İsrail hökumətinin rəhbəri İranın nüvə ambisiyalarına toxunaraq, Ağ Ev rəhbərliyi ilə münasibətlərdə yaranan gərginliyə rəğmən, bu məsələdə ABŞ Prezidenti Donald Tramp ilə tam həmrəy olduqlarını diqqətə çatdırıb.
Netanyahu İsrail dövlətinin və yəhudi xalqının varlığını qorumaq üçün hər cür hərbi ssenariyə hazır olduqlarını bəyan edərək şəxsi fəaliyyətini xatırladıb: "Prezident Tramp ilə mən bu prinsipial təhlükəsizlik məsələsində tamamilə eyni mövqedəyik və tam razıyıq. Artıq 30 ildən çoxdur ki, mən şəxsən İranın nüvə proqramına qarşı aparılan beynəlxalq, qlobal mübarizənin ən ön cəbhəsində dayanıram. Tam qətiyyətlə deyirəm, əgər bizim bu qətiyyətli hərbi və diplomatik mübarizəmiz olmasaydı, İran İslam Respublikası çoxdan İsrail dövlətini yer üzündən tamamilə silmək və məhv etmək üçün atom bombalarına sahib olmuşdu".
Baş nazir Tehranın əsas hərbi-siyasi hədəfini ifşa edərək, bu təhlükənin qarşısını almaq üçün canını belə fəda etməyə hazır olduğunu vurğulayıb: "İranın yeganə və əsas strateji məqsədi yəhudi dövlətini tamamilə darmadağın etmək və məhv etməkdir. Mən isə bütün həyatımı, siyasi fəaliyyətimi məhz onların bu qanlı planını həyata keçirməsinə mane olmağa həsr etmişəm. İndi hər kəs və xüsusilə Tehran rəhbərliyi bilsin: nə qədər ki, mən İsrail dövlətinin Baş naziriyəm, rəsmi Tehranın nüvə silahı əldə etməsinə heç bir vəchlə imkan verilməyəcək və bu fəlakət əsla baş verməyəcək".
Musavat.com
XƏBƏR LENTİ
05 Iyul 2026
04 Iyul 2026
ŞƏRHLƏRŞƏRH YAZ