Onlayn ictimai-siyasi qəzet
Yerin altında saxlayırlar: 600 min ton pendirin sirri üzə çıxdı - FOTOLAR
ABŞ-nin Missuri ştatında uzun illərdir istifadə olunmayan əhəngdaşı mədənləri bu gün təəccübləndirici məqsədlə istifadə edilir.
Musavat.com GZT-yə istinadən xəbər verir ki, kilometrlərlə uzanan yeraltı tunellər təbii sərinliyi sayəsində nəhəng ərzaq anbarlarına çevrilib.
“Pendir mağaraları” kimi tanınan bu məkanların tarixçəsi isə ABŞ-ın 1970-ci illərdə həyata keçirdiyi kənd təsərrüfatı siyasətinə gedib çıxır.
Artıq süd istehsalı böyük böhrana çevrildi
1970-ci illərin sonlarında ABŞ Prezidenti Cimmi Karterin administrasiyası yerli süd istehsalçılarını dəstəkləmək və süd məhsullarının qiymətlərini sabit saxlamaq məqsədilə böyük həcmdə süd məhsulları satın aldı.
Dövlət dəstəyi süd istehsalının sürətlə artmasına səbəb olsa da, istehlak eyni templə yüksəlmədi. Nəticədə yaranan artıq südün uzun müddət saxlanılması ciddi problemə çevrildi. Tez xarab olan südü daha davamlı hala gətirmək üçün onu pendirə çevirdilər.
Tonlarla pendir üçün yerin altına endilər
Dövlətin pendir alışlarını davam etdirməsi ilə ehtiyatlar qısa müddətdə nəhəng həcmə çatdı. Səlahiyyətlilər yüz minlərlə ton məhsulu xarab olmadan saxlamaq üçün alternativ həll yolu axtarmağa başladılar.
Bu həll Missuridəki tərk edilmiş əhəngdaşı mədənlərində tapıldı.
Yeraltı tunellərin ilboyu təbii şəkildə sərin qalması pendirin uzun müddət qorunmasına imkan verirdi. Eyni zamanda, təbii temperatur şəraiti böyük miqdarda enerji sərfiyyatının qarşısını alırdı. Beləliklə, köhnə mədənlər dövrün ən böyük ərzaq saxlama məkanlarından birinə çevrildi.
Bu gün yüz minlərlə ton pendir saxlanılır
Hazırda ABŞ üzrə kommersiya məqsədli soyuducu anbarlarda 600 min tondan çox pendir olduğu bildirilir. Lakin bu miqdarın tək bir müəssisədə və ya yalnız hökumətə məxsus anbarlarda saxlanılmadığı qeyd olunur. Söhbət ölkə üzrə ümumi pendir ehtiyatından gedir.
ABŞ hökuməti vaxtilə həyata keçirdiyi genişmiqyaslı pendir alışları siyasətinə son qoysa da, “pendir mağaraları” kimi məşhurlaşan köhnə mədənlər bu gün başqa funksiyaya malikdir. Yeraltının təbii şəraitindən yararlanan nəhəng qalereyalar artıq özəl şirkətlər tərəfindən idarə olunan müasir ərzaq saxlama və logistika mərkəzləri kimi fəaliyyət göstərir.
Musavat.com
XƏBƏR LENTİ
26 Avqust 2026
ŞƏRHLƏRŞƏRH YAZ