Onlayn ictimai-siyasi qəzet
Ki-Uest paketi yoxdur - Paşinyan sirləri açır
Baş nazir Nikol Paşinyan bu gün parlamentdə bəyan edib ki, hökumətdə Ki-Uest danışıqları ilə bağlı sənədlər paketi yoxdur.
Musavat.com bu barədə erməni mediasına istinadən bildirir.
“İndi soruşurlar: Ki-Uest paketi niyə dərc olunmayıb? Çünki Ermənistan hökumətinin nəzarətində olan Ki-Uest paketi yoxdur”, - Paşinyan deyib.
Bildirib ki, bu barədə material Levon Ter-Petrosyan tərəfindən “Haykakan Jamanak” qəzetinə verilmişdi və orada dərc olunmuşdu.
“Ki Uestin ideoloji əsası budur. Bunu deməyə belə ehtiyacım yoxdur. “Azadlıq” radiosu bu yaxınlarda sənədlərlə çox təfərrüatlı bir hesabat dərc etdi və bu, hər şeyi deyir. Başqa sözlə, orada ümumiyyətlə mövzu yoxdur. Mən indi müzakirəyə belə dəvət etmirəm, çünki müzakirə olunacaq heç nə yoxdur.
Qoy oxusunlar, danışsınlar, oxusunlar, danışsınlar, oxusunlar, danışsınlar, amma nə deyə bilərlər? Danışılası heç nə yoxdur”, - Paşinyan əlavə edib.
Musavat.com
XƏBƏR LENTİ
19 Iyun 2026
ŞƏRHLƏRŞƏRH YAZ