Onlayn ictimai-siyasi qəzet
TƏCİLİ: Bakıda yaşayış binasında YANĞIN - VİDEO
Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Nizami rayonu, Məhsəti Gəncəvi küçəsində yerləşən yaşayış binasında yanğın baş verməsi barədə məlumat daxil olub və dərhal əraziyə Nazirliyin Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.
Bu barədə Musavat.com-a FHN-dən məlumat verilib.
Bildirilib ki, əməliyyat şəraitinə uyğun olaraq yanğınsöndürənlər tərəfindən həyata keçirilmiş zəruri və təxirəsalınmaz tədbirlər sayəsində onyeddimərtəbəli yaşayış binasının onyeddinci mərtəbəsində yerləşən mənzildə baş vermiş yanğın genişlənməsinə, o cümlədən digər mənzillərə yayılmasına imkan verilmədən qısa müddətdə söndürülüb.
Yanğın nəticəsində ümumi sahəsi 55 m² olan ikiotaqlı mənzilin eyvanının yanar konstruksiyaları və əşyaları 15 m² sahədə yanıb.
Mənzilin böyük hissəsi və digər mənzillər yanğından mühafizə olunub.
***
Bakının Nizami rayonunda çoxmərtəbəli yaşayış binasında yanğın baş verib.
Hadisə şahidlərinin Musavat.com-a verdiyi məlumata görə, yanğın Mehdi Abbasov küçəsi 25/38 ünvanında, binanın 17-ci mərtəbəsində başlayıb.
Hadisə yerinə Fövqəladə Hallar Nazirliyinin (FHN) yanğınsöndürmə briqadası cəlb olunub və yanğının söndürülməsi üzrə tədbirlər görülür.
Musavat.com
XƏBƏR LENTİ
18 Iyun 2026
ŞƏRHLƏRŞƏRH YAZ