Onlayn ictimai-siyasi qəzet
Təyyarə qəzasında həlak olan türk hərbçilərinin nəşi Türkiyəyə gətirildi
Gürcüstan–Azərbaycan sərhədində qəzaya düşən C-130-un şəhidləri Ankaraya gətirildi
Musavat.com xəbər verir ki, Gürcüstan–Azərbaycan sərhədi yaxınlığında qəzaya uğrayan “C-130” tipli hərbi nəqliyyat təyyarəsində şəhid olan türk hərbçilərinin nəşləri bu gün Ankaraya gətirilib.
Rəsmi məlumatlara görə, şəhidlərlə dolu xüsusi hərbi təyyarə paytaxta enib və qarşılanma mərasimində dövlət rəhbərliyi, Türkiyə Silahlı Qüvvələrinin komandanlığı və şəhid ailələri iştirak edib.
Bildirilib ki, qəzanın səbəblərinin tam şəkildə müəyyənləşdirilməsi üçün Türkiyə, Azərbaycan və Gürcüstan mütəxəssislərindən ibarət birgə istintaq qrupu intensiv şəkildə işləyir.
***
Təyyarə qəzasında həlak olan türk hərbçilərinin nəşi Tiflisdən Türkiyəyə gətirildi
Musavat.com xəbər verir ki, Azərbaycan–Gürcüstan sərhədi yaxınlığında qəzaya uğrayan “C-130” tipli Türkiyə hərbi nəqliyyat təyyarəsində şəhid olan 20 hərbçinin nəşini daşıyan xüsusi reys Türkiyəyə çatıb.
Məlumata görə, Tiflisdən havaya qalxan təyyarə Ankara hava limanına enib. Nəşlər rəsmi qarşılanma mərasimindən sonra xüsusi qaydada hərbi sahəyə aparılıb.
Şəhid hərbçilərin nəşləri keçiriləcək vida mərasimindən sonra ailələrinə təhvil veriləcək.
Musavat.com
ƏLAQƏLİ XƏBƏRLƏR
XƏBƏR LENTİ
30 Avqust 2026
01:12 Türkiyədən Yunanıstana “hərbi xəritə” şoku – Afinanın gizli bazaları bir-bir üzə çıxdı - VİDEO
29 Avqust 2026
ŞƏRHLƏRŞƏRH YAZ