Onlayn ictimai-siyasi qəzet
Türkiyə 21 illik prosesə nöqtə qoyur – Ərdoğandan SENSASİON açıqlama
Türkiyə prezidenti Rəcəb Tayyib Ərdoğan ölkəsinin Avropa İttifaqına (Aİ) üzvlük perspektivi ilə bağlı diqqətçəkən açıqlama verib.
Musavat.com xəbər verir ki, Ərdoğan “Əl-Cəzirə” telekanalına müsahibəsində Avropanın Türkiyəni Aİ-yə qəbul etmək niyyətində olmadığının göründüyünü bildirib.
“Görünür, Avropa Türkiyəni Avropa İttifaqına qəbul etmək niyyətində deyil. Aİ-yə daxil olmaq bizim prioritetimiz deyil. Türkiyənin ona qoşulmamasından zərər görən tərəf məhz Avropadır”, - Ərdoğan deyib.
Bu açıqlama Türkiyənin 2005-ci ildən davam edən Aİ-yə üzvlük danışıqlarının gələcəyi baxımından xüsusi diqqət çəkir. Ankara ilə rəsmi üzvlük danışıqları 2005-ci ildə başlasa da, proses uzun müddətdir faktiki olaraq dalana dirənib.
Ərdoğan son illərdə də Avropa İttifaqının Türkiyəyə münasibətini dəfələrlə tənqid edib. 2026-cı ilin mayında Türkiyə lideri ölkəsinin layiqli yer almadığı Avropa arxitekturasının natamam qalacağını və böhranların idarə edilməsində zəiflik yaşayacağını bildirmişdi.
Musavat.com
XƏBƏR LENTİ
20 Avqust 2026
ŞƏRHLƏRŞƏRH YAZ