Onlayn ictimai-siyasi qəzet
Alkolizm kəndləri girov götürüb: Rusiyada “ayıq kəndlər” layihəsi başlayır
Rusiyanın İrkutsk vilayətində alkoqol asılılığına qarşı sərt tədbirlərin görülməsinə başlanılır.
Musavat.com xəbər verir ki, vilayətin altı kənd və qəsəbəsində 1 sentyabr 2026-cı ildən etibarən spirtli içkilərin pərakəndə satışı tamamilə qadağan olunacaq. Qərar yerli hakimiyyət orqanlarının təşəbbüsü və əhalinin müraciətləri əsasında qəbul edilib.
Rəsmi məlumatlara görə, qadağanın tətbiq ediləcəyi yaşayış məntəqələrində keçirilən yerli səsvermələr zamanı sakinlərin böyük əksəriyyəti bu addımı dəstəkləyib. Səsvermələrdə alkoqolun kənd həyatına mənfi təsiri əsas arqument kimi göstərilib.
Yerli icra strukturlarının nümayəndələri bildirirlər ki, vilayət mərkəzindən uzaqda yerləşən kəndlərdə spirtli içkilər illərdir ciddi sosial problemə çevrilib. Alkoqoldan geniş istifadə əhalinin sağlamlığına zərər vurur, ailədaxili münasibətləri gərginləşdirir və kəndlərdə sosial mühiti zəiflədir.
Rəsmilərin sözlərinə görə, “ayıq kəndlər” modeli alkoqol asılılığının azaldılmasına, ictimai təhlükəsizliyin gücləndirilməsinə və uzunmüddətli perspektivdə regionda həyat keyfiyyətinin yüksəldilməsinə xidmət edəcək.
Musavat.com
XƏBƏR LENTİ
04 Iyun 2026
ŞƏRHLƏRŞƏRH YAZ