Onlayn ictimai-siyasi qəzet
Altayda turisti yeyən ayı turbaza sahiblərini cəncələ salıb
Altayda qadının ayı tərəfindən parçalanmasından sonra turist düşərgəsinin sahibləri məsuliyyətə cəlb olunublar.
Musavat.com xarici mediaya istinadla xəbər verir ki, vəkil və hüquq doktoru Lyudmila Ayvarın sözlərinə görə, cinayət məsuliyyətinə cəlb olunanlara qarşı Cinayət Məcəlləsinin həyat və sağlamlıq təhlükəsizliyi tələblərinə cavab verməyən xidmətlərin göstərilməsini nəzərdə tutan 238-ci maddəsi nəzərdən keçirilə bilər.
O deyib ki, lakin bu maddə ilə iş qaldırmaq üçün pozuntuların tətilçinin ölümü ilə birbaşa əlaqəli olduğunu sübut etmək lazımdır.
"Əgər ərazidə əvvəllər dəfələrlə ayılar görülübsə, yerli sakinlərdən, ov müfəttişlərindən və ya hakimiyyət orqanlarından xəbərdarlıqlar alınıbsa və turistlər gecələr qorunmayan çadırlarda qalmağa davam edirsə, "gözlənilməz hücum" və ya "fövqəladə hal" iddiası son dərəcə zəifləyir", - deyə Ayvar izah edib. O, əlavə edib ki, mərhumun ailəsinin mənəvi ziyana görə kompensasiya, dəfn xərcləri və ailə başçısının itirilməsi üçün ödəniş tələb etmək hüququ var.
Daha əvvəl Altayda bir ayı iki turistin olduğu çadıra hücum edib. O, 29 yaşlı qadını nişanlısının gözü qarşısında meşəyə sürüyüb və onu parçalayıb. Faciədən sonra Altay hakimiyyəti komendant saatı tətbiq etmək qərarına gəlib.
Bildirilir ki, son bir həftədə Altayda ayılar 3 epizodda insanlara hücum edib, xəsarət yetiriblər.
Musavat.com
XƏBƏR LENTİ
22 Avqust 2026
21 Avqust 2026
ŞƏRHLƏRŞƏRH YAZ