Onlayn ictimai-siyasi qəzet
"Tramp və Netanyahu arasında kritik telefon zəngi" — İsrail kabineti toplandı, hədəfdə İrandır
İsrailin Baş naziri Benyamin Netanyahu ölkənin hərbi-siyasi kabinetinin növbəti iclası başa çatdıqdan dərhal sonra ABŞ Prezidenti Donald Tramp ilə mühüm telefon danışığı aparıb.
Musavat.com xəbər verir ki, tərəflər arasında keçirilən müzakirələrin əsas mövzusu İran ətrafında yaranmış gərgin vəziyyət və bölgədəki son hərbi-siyasi dəyişikliklər olub. Məlumata görə, Netanyahu İsrail kabinetinin qəbul etdiyi son qərarlar və Tehranın nüvə proqramı ilə bağlı kəşfiyyat məlumatlarını Ağ Ev rəhbərinə çatdırıb.
Bu danışıq ABŞ və İran arasında 14 bəndlik sülh memorandumunun imzalanmasına dair xəbərlərin yayıldığı bir vaxtda xüsusi əhəmiyyət kəsb edir.
İsrail tərəfi hər zaman bəyan edib ki, İranla hər hansı razılaşma Təl-Əvivin təhlükəsizlik maraqlarını tam təmin etməlidir. Donald Trampın Netanyahu ilə bu təmasları Vaşinqtonun sülh prosesində İsrailin mövqeyini nəzərə aldığına dair bir siqnal kimi qiymətləndirilir.
Danışıq zamanı həmçinin regional təhlükəsizlik, terrorizmlə mübarizə və mümkün atəşkəs şərtləri də nəzərdən keçirilib.
Ekspertlər hesab edirlər ki, Netanyahunun kabinet iclasından dərhal sonra Trampa zəng etməsi İsrailin İranla bağlı "qırmızı xətlərini" bir daha xatırlatmaq məqsədi daşıyır.
Musavat.com
XƏBƏR LENTİ
07 Iyun 2026
ŞƏRHLƏRŞƏRH YAZ