Onlayn ictimai-siyasi qəzet
Ukrayna və Kanada 100 illik tarixi saziş İMZALADI - VİDEO
Ukrayna və Kanada ikitərəfli münasibətləri hərtərəfli strateji ittifaq səviyyəsinə qaldıran və Kiyevə uzunmüddətli dəstəyi təsbit edən 100 illik Tərəfdaşlıq Bəyannaməsi imzalayıb.
Musavat.com xəbər verir ki, bu barədə "RBC-Ukraina" Kanadanın Baş naziri Mark Karninin bəyanatına istinadən məlumat yayıb.
Ukrayna Prezidenti Volodimir Zelenski və Karni Kalgari şəhərində keçirilən görüş zamanı fəaliyyətlərin tam uzlaşdırıldığını və ikitərəfli əməkdaşlığı əhəmiyyətli dərəcədə genişləndirmək niyyətində olduqlarını təsdiqləyiblər.
Əldə olunmuş razılaşmalar çərçivəsində Kanada Ukraynanın ən təxirəsalınmaz hərbi ehtiyaclarını ödəməyə davam edəcək. Xüsusilə, Kanadanın UNIFIER təlim missiyasının müddəti rəsmi olaraq 2029-cu ilə qədər uzadılıb.
Ottava diqqətini hava hücumundan müdafiə (HHM) vasitələrinin və tutucu raketlərin təmin edilməsinə yönəldəcək. Kiyev həmçinin Silahlı Qüvvələr üçün hərbi texnika, sursat və dəstək almağa davam edəcək.
Bundan əlavə, tərəflər ABŞ-nin "Jumpstart" mexanizmi vasitəsilə hava hücumundan müdafiə sistemləri üçün tutucu raketlərin tədarükünə dair 254 milyon dollarlıq sazişin hazırlanmasını başa çatdırıblar. Kanada həmçinin Ukraynanın təbii qaz alışı üçün 430 milyon Kanada dolları həcmində zəmanətli kreditlər ayıracaq.
Tərəflər kəşfiyyat, kibermüdafiə, pilotsuz uçuş aparatlarına (PUA) qarşı mübarizə və radioelektron mübarizə (REM) sahəsində əməkdaşlığı dərinləşdirəcək, habelə hibrid təhlükələrə və informasiya manipulyasiyalarına qarşı birgə addımlar atacaqlar. Kanada Rusiyanın yeni təcavüzünün qarşısını almaq üçün hüquqi və siyasi cəhətdən məcburi olan təhlükəsizlik zəmanəti mexanizminin yaradılması istiqamətində tərəfdaşlarla birgə çalışacaq.
Tərəflər həmçinin uzunmüddətli müdafiə-sənaye tərəfdaşlığı yaradırlar. Bu tərəfdaşlıq PUA-ların, REM sistemlərinin və sursatların birgə istehsalını, texnologiya transferini və elmi tədqiqatların aparılmasını nəzərdə tutur.
Sazişin iqtisadi bloku yenilənmiş Azad Ticarət Sazişi çərçivəsində ticarət və investisiyaların genişləndirilməsini əhatə edir. Ölkələr dövlət-özəl tərəfdaşlığı vasitəsilə Ukraynanın bərpası üçün kapital və risklərin azaldılması alətlərini səfərbər edəcəklər. Kanada Ukraynanın makroiqtisadi sabitliyini dəstəkləmək üçün BVF, Dünya Bankı və Yenidənqurma və İnkişaf üzrə Avropa Bankı (YİAB) ilə əməkdaşlıq edəcək. Tərəfdaşlar həmçinin energetika təhlükəsizliyi, kritik mineralların hasilatı, sənaye və meşə idarəçiliyi sahələrində qarşılıqlı əlaqələri dərinləşdirəcəklər.
Süni intellekt, kiberbərpa, kosmos, biotexnologiya və rəqəmsal idarəetmə sahələrində tədqiqatçıların əməkdaşlığına da xüsusi diqqət yetirilib.
Tərəflər Qara dənizdə gəmiçiliyin təhlükəsizliyi, liman infrastrukturunun mühafizəsi və Rusiyanın "kölgə donanması"nın fəaliyyətinin bloklanması istiqamətində də birgə fəaliyyət göstərəcəklər.
Kanada qlobal ərzaq təhlükəsizliyini təmin etmək məqsədilə Ukraynanın aqrar sektoruna bütün mərhələlərdə - əkin kampaniyasından tutmuş məhsulun saxlanmasına qədər dəstək verəcək.
@@TVmusavat/155039@@
Musavat.com
XƏBƏR LENTİ
11 Sentyabr 2026
10 Sentyabr 2026
ŞƏRHLƏRŞƏRH YAZ