Onlayn ictimai-siyasi qəzet
Autizm diaqnozu niyə trendə çevrilib? Həkimdən sensasion açıqlama
Psixi sağlamlıq mövzusu son illər gənclər arasında daha açıq müzakirə olunur, autizm və Asperger sindromu ilə bağlı diaqnozlar isə sosial şəbəkələrdə geniş yayılıb.
Musavat.com xəbər verir ki, bu barədə tibbi elmlər doktoru, uşaq psixiatrı Dmitri İvaşçenko danışıb. Onun sözlərinə görə, autizm spektr pozuntusu və buna bənzər diaqnozların “artması” əslində xəstəliyin çoxalması deyil, diaqnostikanın və məlumatlılığın güclənməsi ilə bağlıdır.
Mütəxəssis vurğulayıb ki, əvvəllər xarakter xüsusiyyəti kimi qiymətləndirilən bəzi əlamətlər bu gün klinik baxımdan təhlil olunur. Stiqmanın azalması, psixiatra müraciətin artıq tabu sayılmaması da statistikada artım təsiri yaradır.
Eyni zamanda, ekspert sosial şəbəkələrdə özünü-diaqnostika tendensiyasını riskli hesab edir. Onun sözlərinə görə, hər introvert insan autizmli deyil, hər diqqət dağınıqlığı isə diqqət çatışmazlığı və hiperaktivlik sindromu demək deyil. Əsas meyar simptomların insanın gündəlik həyatına və sosial adaptasiyasına nə dərəcədə mane olmasıdır.
Həkim qeyd edib ki, diaqnoz yalnız peşəkar müayinə əsasında qoyulmalıdır. Əks halda, “trend” kimi yayılan tibbi terminlər həm real pasiyentlərə, həm də səhvən özünə diaqnoz qoyan şəxslərə zərər verə bilər.
Musavat.com
XƏBƏR LENTİ
04 Iyun 2026
ŞƏRHLƏRŞƏRH YAZ