Onlayn ictimai-siyasi qəzet
Yaponiya yeni dünya xəritəsində dəyişiklik tələb edir
Yaponiya BMT tərəfindən təsdiqlənmiş “Bərabər Yer kürəsi”nin dünya xəritəsində dəyişiklik tələb edib.
Musavat.com xarici mediaya istinadla xəbər verir ki, ölkə mübahisəli Kuril adalarının xəritədə Rusiya ilə eyni rəngdə göstərilməsindən narazıdır.
Bildirilir ki, ötən həftə BMT Baş Assambleyası dünya xəritəsinin ənənəvi Merkator proyeksiyası əvəzinə bərabər sahə proyeksiyası olan “Bərabər Yer proyeksiya”sından istifadə etməyə çağıran qətnamə qəbul edib. Bu proyeksiya bucaqları və ya sahələri dəqiq saxlamır, əksinə ölkələrin və qitələrin nisbətlərini daha dəqiq əks etdirir.
Qətnamənin tərəfdarları iddia edirlər ki, bu cür təhriflər onilliklər ərzində Afrikanın və qlobal Cənubun digər bölgələrinin əhəmiyyətini vizual olaraq azaltmış və təhsil, mədəniyyət və siyasətdəki qavrayışlarına təsir etmişdir. Digər tərəfdən, Merkator proyeksiyasında Rusiya və Qrenlandiya yüksək enliklərinə görə faktiki ölçülərindən daha böyük görünür.
Qətnaməni 164 ölkə dəstəkləyib, altı ölkə bitərəf qalıb. Yalnız ABŞ əleyhinə səs verib. Yaponiya əvvəlcə qətnamənin lehinə səs vermişdi, lakin cümə axşamı Yaponiya hökumətinin sözçüsü Minoru Kihara yeni xəritədə "Yaponiya hökumətinin mövqeyinə zidd olan bir şəkil" olduğunu söyləyib.
"Biz xəritə veb saytının operatoruna diplomatik kanallar vasitəsilə etiraz etdik və bu şəklin düzəldilməsini tələb etdik", - Kihara deyib.
Kuril adalarının cənub hissəsi 1945-ci ildə II dünya müharibəsinin sonunda SSRİ-nin nəzarətinə keçib. Yaponiya İturup, Kunaşir, Şikotan və Habomay adalar qrupunu özününkü hesab edir və onları "Şimal əraziləri" adlandırır. Bu mübahisə üzündən Moskva və Tokio II dünya müharibəsindən bəri sülh müqaviləsi imzalamadan qonşuuq edir. 2026-cı ilin avqustunda Vladimir Putin mübahisəli adalara ilk dəfə səfər edib, bundan sonra Yaponiya Rusiya səfirini çağırıb və "sərt etiraz" bildirib.
Musavat.com
XƏBƏR LENTİ
11 Sentyabr 2026
10 Sentyabr 2026
ŞƏRHLƏRŞƏRH YAZ